Një punëtor i kompanisë “Pastrimi” ka humbur jetën si pasojë e shtypjes nga kamioni i kompanisë. Ngjarja ka ndodhur sot rreth orës 12:20 në rr. ‘’Isa Kastrati’’, në lagjen Mati, në Prishtinë. Rrethanat e këtij rasti tragjik ende nuk dihen.
“Trupi i viktimës është dërguar për obduksion në Institutin e Mjekësisë Ligjore”, tha komandanti i Trafikut Regjional të Prishtinës.
Ndërsa, zyrtari i kompanisë “Pastrimi”, Xhevat Xhaka, tha se viktima është S.A. (54 vjeç) dhe ishte punësuar në kompani një vit më parë.