SOLIDARITETI KLASOR

Vazhdojnë vdekjet e punëtorëve në vend të punës. Përderisa vitin e kalum humbën jetën (u vranë nga lakmia e pronarëve dhe shtetit) 11 punëtorë (të paktën zyrtarisht), sivjet humbi jetën punëtori i rradhës.

Viktima, 35 vjeçar, kishte ardhur nga Shqipëria për të punuar në Kosovë.

Të hënën gjersa ai ishte duke punuar në fabrikën e çimentos “SHARRCEM” në Han të Elezit, ai ka rënë nga një lartësi prej rreth 40 metra në njërin prej rezervuarëve prej ku edhe është nxjerrë i pajetë.

Një punëtor me inicialet R.C dhe moshë rreth të 60-ave ka vdekur mesditën e djeshme, teksa po punonte në një betonjerkë në fshatin Milloshevë të Obiliqit.

Punëtori gjeti vdekjen derisa po e hapte kapakun e cisternës së betonit, kapaku është hapur me shpejtësi nga presioni i ajrit dhe e ka goditur punëtorin. Ai është dërguar në QKUK, por atje nuk ka mundur t’u mbijetojë plagëve të marra.

Për këtë rast tragjik është arrestuar përgjegjësi i kompanisë, i cili është dërguar në mbajtje.

Me vendim të prokurorit, trupi i pajetë i punëtorit është dërguar në Instiutin e Mjekësisë Ligjore për obduksion.

Me 29.08.2019 një person ka vdekur në Prishtinë, ku  përderisa ishte duke punuar, i është keqësuar gjendja shëndetësore dhe është rrëzuar.

Ngjarja ka ndodhur të mërkurën rreth orës 12:00.

Punëtori është dërguar në QKUK, ku mjekët kanë konstatuar se është pa shenja jete.

Në një ngjarje tjetër më 28.08.2019 një punëtor është rrëzuar në vendin e tij të punës.

Ai është jashtë rrezikut për jetë.

Një punëtor me inicialet B.E. dhe i lindur më 1977,  sot ka vdekur në vendin e tij të punës në Gjilan. Ngjarja ka ndodhur rreth orës 07:17 të mëngjesit.

Punëtori ka gjetur vdekjen pasi ka rënë në kontakt me një tel të rrymës së tensionit të lartë.

Mësohet se i ndjeri B.E. (1977) shqiptar shtetas i Kosovës , me banim në fshatin Ramjan komuna Viti, derisa ishte duke punuar në një objekt banesor, i cili ishte në ndërtim e sipër, në rrugën “Marie Shllaku”, në rrugën e Kamenicës, derisa kishte qenë duke e tërhequr një gyp, dyshohet se i njëjti kishte pasur kontakt me telin e rrymës së tensionit të lartë, me ç‘rast dyshohet se nga kontakti me rrymën edhe ka humbur jetën.

Në vendin e ngjarjes kanë dalë njësitet relevante nga Policia dhe prokurori i shtetit, KEDS-i, inspektorët e punës dhe mjeku kujdestar, i cili edhe ka konstatuar vdekjen e tij.

Trupi i pa jetë i viktimës me vendim të prokurorit u dergua për obduksion, në Institutin e Mjekësisë Ligjore, në Prishtinë dhe rasti për momentin është cilësuar si ‘’Vdekje e dyshimtë’’. Rrethanat e këtij rasti të rëndë janë duke u hetuar.

Vdes edhe një punëtor në vendin e tij të punës. Kjo është vdekja e tretë brenda tetë ditëve dhe e nënta këtë vit.

Para pakë javëve është aksidentuar një punëtorë në vendin e punës në Obiliq. I njëjti është trajtuar për disa javë në QKUK, por nuk ka mundur t’i shpëtoj plagëve. Ai ka vdekur gjatë ditës së djeshme.

Punëtori ishte rrëzuar me datë 29 prill të këtij viti derisa ishte duke punuar në një shtëpi.

Idntiteti i viktimës nuk është bërë publik.

Brenda tre ditëve vdesin dy punëtorë.

Me 28/05  rreth orës 14:54,  në fshatin Vrell të Istogut, gjatë prishjes së një garazhe private një person është nga zënë muri.

Një punëtor 23 vjeçar është lënduar pasi ka rënë nga ndërtesa gjatë ditës së sotme, ndërkohë që po punonte në një ndërtesë në rrugën “Robert Dolli”, në Prishtinë.

Rasti ka ndodhur sot rreth orës 16:00.

Viktima M.M, 23 vjeçar, është dërguar për tretman mjekësor në QKUK.

Ky punëtor ishte duke punuar në objektin që njihet si  “44 katëshe”.

Një punëtor është lënduar sot në rrugën “Bujar Roka” në Gjakovë pasi u shemb një pjesë e dheut në një vendpunishte.

Punëtori i lënduar është dërguar për trajtim mjekësor, ndërsa mësohet se ai është jashtë rrezikut për jetë.

Rasti ka ndodhur derisa punëtori ishte duke hapur podrume për banesa dhe është zënë nga dheu.