Menaxhmenti i kompanisë së pastrimit “Ecohigjiena”, i cili drejtohet nga aksionari austriak “Moser Group” po përballet me aktakuzë për shkelje të ligjit.
Këtu përfshihet shitja e automjeteve dhe kontejnerëve të kompanisë, falsifikimi i dokumentit zyrtar, ushtrimi i ndikimit si dhe një kallëzim penal i cili është duke u shqyrtuar në prokurori për shkëputje të kontratave në mënyrë të jashtëligjshme për 17 punëtorë të kësaj kompanie.
Kujtojmë që vitin e kaluar punëtorvt e kësaj kompanie kane mbajtë disa here greva të paparalajmëruara kundër largimit të punëtorëve nga puna dhe plotësimin e kushteve të punës për punëtorët siç është rritja e pagës, furnizimi me veshmbathje dhe largimin nga pozita e ushtruesit të detyrës së kryeshefit ekzekutiv të kompanisë.
Siç duket në këtë kompani janë duke u bërë “luftë pushtetesh” ndërmjet kompanisë private dhe komunës së gjilanit (që është edhe aksionare). Në këtë mes punëtorët shpesh janë mashtruar duke e mbajtë anën e komununës me shpresë se këta të fundit do t’ju ndihmonin në realizimin e kërkesave. Ndërkohë që këto ndodhin, 17 punëtorë janë të papunë ndërsa ata që punojnë ende përballen me kushte të rënda, kërcënime dhe mobing.