Mëngjesin e sotëm ka gjetur vdekjen punëtori i Bechtel&Enkas, Tafil Tafallari, 41 vjeç.
Teksa po punonte në autostradën Prishtinë-Shkup, atë e goditi kamioni i cili barte me vete ujë për punëtorët në pikën e fshatit Kovaqec të Kaçanikut.
Identitetin e viktimës e bëri të ditur një tjetër punëtor që punon në të njëjtën kompani, i cili kishte shpërndarë në rrjetin social “Facebook” lajmin për vdekjen e shokut të tij.
Pas vdekjes së shokut të tyre kanë nisur pakënaqësitë brenda punëtorëve të Bechtel-Enkas.
Ata thonë se kanë marrë urdhra nga shefat përkatës të kompanisë që të punojnë edhe pasditen e sotme. Mirëpo, kjo nuk u pëlqeu disa prej tyre.
“Sot na ka vdek shoku e ne të punojmë, kjo është e papranueshme”, ka thënë njëri prej tyre.
Ata gjithashtu kan treguar se detyrohen të punojnë me makineri të vjetra dhe me defekte, me çrast i’u rrezikohet jeta.